Të huajt zgjedhin Shkodrën për festat, vlerësojnë bukuritë e qytetit dhe mikpritjen e banorëve

Shkodra është zbukuruar për festat e fundivitit, ndërsa tërheq jo vetëm vizitorë vendas, por edhe të ardhur nga zona të tjera e veçanërisht turistë të huaj. Këta të fundit vlerësojnë bukuritë e qytetit dhe mikpritjen e njerëzve.

”E mrekullueshme, absolutisht e bukur, familjare. Mund të dallosh kulturën në këtë qytet, është mirë, duket shumë këndshëm. Me siguri do të rri dy ditë”,-shprehet një turist. ”Është e mrekullueshme, shumë mikpritëse. Atmosferë shumë festive, është vërtet një qytet shumë i bukur dhe të gjitha janë shumë të sjellshëm. Ne e duam, njerëzit padyshim duhet të vijnë këtu. Është një vend i mrekullueshëm për të kaluar pushimet”,-thotë një tjetër.

Shkodra ka fituar edhe zemrat e atyre që e vizitojnë për herë të parë të cilët thonë se do t’ua rekomandojnë miqve. ”Është mirë shumë e sistemuar dhe e organizuar, ndjehem vërtet mirë”. Kjo është një nga periudha më të preferuara të vitit nga vizitorët ndërsa Shkodra tashmë zgjidhet për turizëm gjatë të gjitha stinëve.