“Të mbjellim grurë në mars”, ministrja sfidon gazetaren: Ma gjej këtë deklaratë

“Nëse ti e gjen një deklaratë timen në media, që unë e kam thënë këtë do të sfidoja që ta sillje”, u shpreh ministrja e Bujqësisë dhe Zhvillimit Rural, Frida Krifca, e pyetur nga gazetarët këtë mbrëmje për një deklaratë të supozuar të saj që qarkullon në rrjet.

Pyetje: Një deklaratë e juaja që mund të mbjellim grurë në Mars është bërë virale, keni një koment për këtë?

Frida Krifca: Nëse ti e gjen një deklaratë timen në media, që unë e kam thënë këtë do të sfidoja që ta sillje. Unë nuk e kam thënë këtë gjë. Edhe sikur unë të çmendesha dhe të thoja një gjë të tillë, nuk do më linte ekipi im të flisja kështu.