”Të më bëjë mua ”non-grata” gruaja e Bilalit”, Meta: Nuk e kam fare problem

Presidenti i Shqipërisë Ilir Meta, ka qenë i ftuar në emisionin “Të Paekspozuarit” në MCN TV, është pyetur lidhur me zhvillimet në vend dhe mundësinë që edhe ai të shpallet non-grata nga SHBA-të. Meta tha se nuk e ka fare problem nëse një gjë e tillë i ndodh edhe atij, pas Sali Berishës.

Pjesë nga biseda në studio

Ylli Rakipi: Dua t’ju bëj një pyetje të hapur. Këta morën Sali Berishën që kishte tetë vjet me një Ipad në dorë dhe shkruante aty, e morën dhe e bënë ”non-grata”. Mos ndoshta, edhe ti ke këtë frikë, se mos të shpallin ”non-grata”?

Ilir Meta: E ke vërtet ti këtë mendim për mua? Sikur e gjithë bota të më bëjë non-grata nuk më bën përshtypje. Unë e kam raportin me popullin tim dhe e kam të shkëlqyer. Kjo është përgjigja. Të më bëjë mua ”non-grata” gruaja e Bilalit që ndërroi gjininë për të bërë foto? Nuk e kam fare problem atë gjë. Unë kam problem me popullin shqiptar, do të jetoj këtu.