Të premten protesta e PD-së, avokati Kara: Me të njëjtin skenar, Berisha të hapë krahun

Sali Berisha ka thirrur të premten protestën e rradhës. Skenari që do të zbatojë Partia Demokratike kësaj here nuk janë shëtitjet në bulevard por fjalimet para godinës së kryeministrisë. Për avokatin Romeo Kara, njerëzit, sado të pakënaqur të jenë me Ramën, nuk shkojnë në protestat e Berishës sepse nuk duan të riciklojnë të shkuarën. Për të Berisha nuk e ka seriozisht në zotimin për ta bërë Shqipërinë, për faktin që është i korruptuar dhe me probleme.

“Protesta duhet të jetë e fortë. Me atë skenar nuk shkon më. Le të hapë krahun. Le të bëjë dhëmbët kaq.. njerëzit nuk shkojnë në protestë. Berisha duhet të hapë krahun dhe të hapë rrugën. Nuk shkojnë në protest nëse nuk ndryshon thelbi. Njerëzit nuk shkojnë tek riciklimi. Ndrysho qasjen dhe Rama bie për 24 orë. Opozita duhet të jetë e fortë. Berisha nuk e ka seriozisht që do ta bëjë Shqipërinë.

Ai është në një pozicion delikat me faktorin ndërkombëtar dhe me drejtësinë. Ai e ngroh deri diku opinionin pro-SPAK kur goditet korrupsioni, por kur i vjen dita që të shkojë tek SPAK e bën si lopa që I bie me shkelm. Berisha duhet të sqarojë njëherë pozicionin me drejtësinë dhe me oligarkët, sepse e ka ulur menderen tek oligarkët” tha Karaj duke I bërë thirrje berishës të tregojë ku i ka fshehur ‘vezët e korrupsionit’ të tij”,-tha në ”Report Tv”.