“Të rritet numri i specialistëve në IGJEUM”

Tërmeti i 26 Nëntorit nxori në pah disa problematika që lidhen me zonat ku është ndërtuar pas viteve ’90. Sizmologët thonë se vendi ynë nuk mund aplikojë më në ndërtim kodin e vitit 1989 për sizmikën, pasi duhen kushte më të forta për objektet që do të ndërtohen.

Por ekspertët e Institutit të Gjeoshkencave, Energjisë, Ujit dhe Mjedisit ngrenë edhe një tjetër shqetësim. Grupi i sizmologëve shqiptarë së bashku me ekspertë të huaj po kryejnë studimin e relievit në Durrës për të saktësuar thyerjen shkaktare të tërmetit të 26 Nëntorit, si dhe efektin që ka dhënë në sipërfaqe.