Të shtëna me armë zjarri mësohet të jenë regjistruar në Shkodër. Ngjarja ka ndodhur pak më parë në zonën e Pompave, në afërsi të rrethrrotullimit të 5 Heronjve. Paraprakisht, mësohet se nuk ka të lënduar.
Policia ka mbërritur në vendngjarje ndërsa nga të dhënat e para dyshohet se është qëlluar në drejtim të një lokali.
Njoftimi i policisë
Shkodër/ Informacion paraprak
Më datë 22.12.2020, rreth orës 21:10, në vendin e quajtur rruga e Pompave të Ujit, fshati Dobraç, Shkodër, në rrethana ende të paqarta qëlluar me armë zjarri në drejtim të lokalit në pronësi të shtetasit A. P.
Nga verifikimet paraprake të bëra nga shërbimet e Policisë, nuk ka persona të dëmtuar.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP dhe të FNSH Shkodër