Tensione për votën e Diasporës, ”Lëvizja Bashkë” konteston numërimin e votave: Fletët po kalojnë shumë shpejt

Procesi i votës së numërimit të Diasporës po shoqërohet me tensione dhe kontestime. Një tension ndodhi në tryezën për votat e Diasporës nga Qarku i Gjirokastrës. Lëvizja Bashkë kontestoi se numëruesit po i kalonin shumë shpejtë fletët e votimit, duke e bërë shumë të vështirë vëzhgimin e votave.

”Jemi këtu prej 24 orësh pa gjumë dhe nuk po kryejmë dot rolin që kemi. Në mënyrë të vazhdueshme e kontestuam dhe në disa momente ngritëm nivelin e zërit. Kërkuam që të ndalonte procesi i numërimit të ndalonte dhe ne e kishim të pamundur të shihnim votat.

Ajo që po ndodh me Diasporën është e paparë ndonjëherë. Që dje në orën 08:00, jemi pa gjumë. Mbi 12 orë po rrimë kot, sepse nuk po numërohen kutitë. Është e papranueshme kjo gjë që ka ndodhur”, u shpreh vëzhguesja e Lëvizjes Bashkë.