Tensionet në Kuvend, miratohet propozimi i PS dhe mbyllen diskutimet

Pas tensioneve që shoqëruan këtë seancë plenare dhe bllokimit disa herë të foltores nga demokratët, në Kuvend janë mbyllur diskutimet dhe është kaluar në votim. Pas kërkesës nga socialistët, kryeparlamentari Niko Peleshi ka mbyllur diskutimet dhe seanca ka kaluar në 5 minuta pushim, për tu rikthyer me procesin e votimit. ”Bllokimi i foltores për të mos vijuar me raportet e palëve për reformën territoriale, është skenar i opozitës”, tha kreu i grupit parlamentar i PS, Taulant Balla duke hedhur poshtë pretendimet se sot kalohet në votim. Ai hodhi propozimin e ndërprerjes së diskutimeve për reformën dhe kalimin te pr.rezolutat për institucionet e pavarura të drejtësisë.