Tensionohet situata në Shkodër, hidhet tymuese para “këmbëve” të drejtorit të policisë

Seanca e sotme gjyqësore ku Apeli i Shkodrës pritet të japë vendimin për 11 kuksianët e arrestuar gjatë protestës në rrugën e Kombit është shoqëruar edhe me protestën e qytetarëve.

Jashtë ambienteve të gjykatës siç raporton “BalkanWeb” vijojnë të hidhen tymuese, ndërsa një e tillë është hedhur edhe shumë pranë vendit ku qëndronte Drejtori i Policisë së Shkodrës, Vehbi Bushati.

Pas atij momenti shefi i policisë nisi të bëjë disa telefonata. Më herët protestuesit hodhën tymuese edhe në drejtim të Gjykatës së Apelit.

Më herët protestuesit hodhën tymuese edhe në drejtim të Gjykatës së Apelit, gjest me të cilin kërkonin lirimin e 11 kuksianëve që u lanë në burg nga gjykata e Kukësit.

Kujtojmë që për të ruajtur rendin dhe sigurinë në Shkodër janë grumbullar rreth 150 forca policore.