Tentoi të vidhte bashkinë e Durrësit, arrestohet 27-vjeçari. Policia nxjerr pamjet kur hajduti ngjitet përmes skelave

Tentoi të hynte për të vjedhur në ambientet e bashkisë Durrës, arrestohet në flagrancë 27-vjeçari. Burime zyrtare bënë me dije se bëhet fjalë për shtetasin me inicialet Xh. K.

Ky shtetas është kapur në flagrancë nga shërbimet e Policisë, në orët e vona të mbrëmjes së djeshme, duke tentuar të hyjë për të vjedhur në ambientet e bashkisë Durrës.

NJOFTIMI I POLICISË
Specialistët për Hetimin e Krimit në Komisariatin e Policisë Durrës arrestuan në flagrancë për veprën penale “Vjedhja” mbetur në tentativë, shtetasin Xh. K., 27 vjeç, banues në Durrës.
Ky shtetas është kapur në flagrancë nga shërbimet e Policisë, në orët e vona të mbrëmjes së djeshme, duke tentuar të hyjë për të vjedhur në ambientet e bashkisë Durrës.