Testi që ”ndizet” kur gjen Covid-19, përgjigja del pa gabime

Është gati për t’u hedhur në treg testi që mund të identifikojë Covid-19 në një orë. FDA, organizmi amerikan që dekreton barnat, ka miratuar testin e parë që përdor sekuencat e ADN-së të quajtura CRISPR. Testi përdor një enzimë të quajtur Cas13, e cila mund të gjej në një kampion të marrë nga goja ose hunda e një pacienti, gjurmët e koronavirusit.

Sipas grupit të punës që ka adaptuar testin për COVID-19, që përfshin shkencëtarë nga universitete si MIT dhe Harvard, ky test e zbulon virusin në 100% të rasteve, duke eliminuar gabimet dhe pozitivitetet e rreme.

Koha e shkurtër e identifikimit të virusit vjen nga një karakteristikë të enzimës, që në momentin e kontaktit me koronavirusin lëshon një lloje drite karakteristike, falë një substance fluoreshente. Testi zakonisht ishte menduar për viruse të tjera por pandemia globale ka ndryshuar objektivat e kompanisë.