Theu burgun në Greqi, përfundon arratia për shqiptarin

Policia greke ka arritur të arrestojë një shqiptar, i cili u arratis nga burgu të martën e një jave më parë.

Ai qëndronte i fshehur prej ditësh në shtëpinë e një miku të tij në Haidari.

Sipas mediave greke, 40-vjeçari shqiptar nuk ka bërë rezistencë gjatë arrestimit.

Informacionin për vendodhjen e shqiptarit, policia e kishte marrë në rrugë operative.

Kujtojmë këtu, se shqiptari ishte arrestuar për një grabitje në bashkëpunim në Vilia të Atikës më 27 nëntor.