Drejtuesi politik i PS-së për diasporën, Taulant Balla thotë se populli foli me votë sot, ndërsa detyra e partive është ta lexojnë atë dhe të pranojnë rezultatin. ”Edhe njëherë që të jetë e qartë, populli ka folur rezultati është në kutitë e votimit, detyra jonë është ta lexojmë dhe ta pranojmë rezultatin”, tha Balla.
Sakaq u shpreh i kënaqur me kthimin e zarfeve nga diaspora në Shqipëri. ”Koeficenti i kthyeshmërisë së votave nga bashkatdhetarët është më i lartë krahasuar me të gjitha vendet që përdorin të njëjtën formë votimi për diasporës”, tha Balla.
Ai bëri edhe një parashikim të rezultatit. ”Votën e diasporës e parashikoj të njëjtë me të gjithë bashkatdhetarët tanë kudo, edhe në Shqipëri, edhe jashtë, votë për ta çuar Shqipërinë në BE”, tha Balla.
