Thjesht magjike, NASA publikon imazhe të reja të kozmosit të largët (FOTO)

Aktualitet Bota Të Përzgjedhura E Martë, 12 Korrik 2022 19:50

Nga: Radio Europa e Lirë

NASA ka publikuar fotografi të reja të bëra nga teleskopi James Webb, që ndër të tjera shfaqin një yll duke vdekur. Imazhi i parë i teleskopit James Webb Space Telescope u publikua të hënën në Shtëpinë e Bardhë, ku u shfaqën një grumbull galaktikash të largëta, apo pamjen më të vjetër dhe më të hollësishme që njerëzimi ka parë.

“Çdo imazh është një zbulim i ri dhe çdo imazh do t’i japë njerëzimit një pamje që nuk e kemi parë më parë”, tha administratori i NASA-s, Bill Nelson, teksa tregoi se imazhet e reja tregojnë për “krijimin e yjeve dhe vrimat gllabëruese të zeza”.

Përdorimi i spektrit të dritës infra të kuqe nga teleskopi, bën të mundur që të shihet përmes pluhurit kozmik dhe “të shihet drita e largët në skajet e universit”, tha ai. “Ne vërtetë kemi ndryshuar kuptimin e universit tonë”, tha drejtori i përgjithshëm i Agjencisë Evropiane të Hapësirës, Josef Aschbacher. Agjencitë e hapësirës së Evropës dhe Kanadasë iu bashkuan NASA-s për të krijuar këtë teleskop të fuqishëm.

Çfarë shfaqin imazhet e reja të NASA-s?

Nebuloza e Unazës Jugore, që shpesh quhet “shpërthimi i tetë”. Kjo nebulozë planetare gjendet rreth 2,500 vjet dritë larg dhe tregon një re gazi duke u zgjeruar dhe duke e rrethuar një yll që është duke vdekur. Një vit drite është 9.4 trilionë kilometra.

Nebuloza e Unazës Jugore. Dy imazhe krahasuese të kësaj mjegullnaje planetare, ku në anën e majt shfaqet me ngjyra më të theksuara, dhe në anën e djathtë me ngjyra më të zbehta.

– Nebuloza Carina, që është një prej mjegullnajave më të ndritura planetare në qiell dhe gjendet afër 7,600 vjet drite larg.

Imazhi i formimit të një ylli në Nebulozën Carina.

– Pesë galaktika gjatë një vallëzimi kozmik, 290 milionë vjet dritë larg. Këto pesë galaktika, që njihen si Kuintet e Stefanit, për herë të parë janë parë 255 vjet më parë në yjësinë Pegasus.