Tirana në kolaps nga trafiku, bllokohet qarkullimi në rrugët hyrëse

Rrugët hyrëse për në Tiranë janë ende të bllokuara nga trafiku i rënduar që ka nisur që në orët e para të mëngjesit. E bllokuar plotësisht raportohet dytësorja e autostradës Durrës-Tiranë, por kritike është situata dhe në rrugët e shtrira më brenda kryeqytetit. Problematik është qarkullimi në Rrugën e Laprakës, te 21 Dhjetori, në zonën pranë stadiumit “Selman Stërmasi”. Rruga e Kavajës, zona e Ali Demit, Rruga e Dibrës, rruga Xhanfize Keko dhe ajo për në Tufinë janë bllokuara. Ndonëse në një pjesë të saj, i vështirë qarkullimi rrugor raportohet edhe në Unazën e Madhe.