Tirana, qyteti ku ndodhin më shumë aksidente

Vetëm gjatë muajit gusht në vend janë shënuar 215 aksidente. INSTAT ka publikuar raportin sipas të cilit në krahasim me Gusht 2016, numri i aksidenteve është rritur me 8,6 %.

 Në muajin Gusht 2017 numërohen 215 aksidente rrugore nga 198 aksidente të ndodhur në Gusht 2016. Numri më i lartë i aksidenteve është kryer nga grup mosha 25 – 35 vjeç, duke zënë 25,6 % të numrit të aksidenteve rrugore. Numri i të aksidentuarve është 292 persona nga 294 që ishte një vit më parë.

Tirana eshte qarku qe ka shenuar me shume aksidente 

Në gusht më shumë aksidente se vitin e kaluar por më pak të vdekur

Shkaqet 

Ndërkohë që shkaku kryesor i aksidenteve është sjellja e pakujdeshme e drejtuesve të mjeteve.

Sipas INSTAT në tetëmujorin 2017, aksidentet rrugore të cilat kanë ndodhur si pasojë e sjelljes së drejtuesit të mjetit zënë 80,7 % të rasteve në total.

Përsa i përket personave të plagosur në aksidente krahasuar me mesataren e personave të plagosur gjatë vitit 2016, ky numër është rritur me 29,1.

Numri i personave të plagosur gjatë muajit Gusht 2017 është 270 nga 269 persona të plagosur në Gusht 2016.

Në Gusht 2017, numri i të aksidentuarve për 100.000 banorë ishte afërsisht 9 persona.

Shtimi i aksidenteve gjatë muajve të verës lidhet me trafikun e rënduar që krijohet në akset kryesore rrugore.

 Ekspertët kërkojnë që të merren masa dhe të studiohen lëvizjet e automjeteve në mënyrë që të shmangen mbingarkesat në disa rrugë.

Ndërkohë ministria e Infrastrukturës në ditët e para të punës paralajmëroi nisjen e një aksioni në akset kombëtare rrugore, për shkak se njësitë tregtare janë shndërruar në burime aksidentesh.

Nisma ka si synim, pastrimin e nyjeve dhe hapësirave në akset kryesore kombëtare nga tabela që nuk kanë lidhje me sinjalistikën apo çmontimin e çdo aktiviteti civil/ekonomik pa leje.