Tiranë/ 60-vjeçarja gjendet e pajetë në makinë pas problemeve shëndetësore

Një 60-vjeçare humbi jetën sot në kryeqytet. Ngjarja ka ndodhur në Laknas, ku viktima e identifikuar si shtetasja S. Gj, dyshohet se ka humbur kontrollin mbi drejtimin e automjetit, për shkak të problemeve shëndetësore.

Njoftimi i policisë

Më datë 04.08.2022, në Laknas, shtetasja S. Gj., rreth 60 vjeçe, dyshohet se ka humbur kontrollin mbi drejtimin e automjetit, për shkak të problemeve shëndetësore.

Pas mbërritjes së shërbimeve të Policisë, në vendngjarje, kjo shtetase është gjetur pa shenja jete.

Grupi hetimor po punon për zbardhjen e rrethanave të ngjarjes.