Tiranë, goditet grupi i trafikut, sekuestrohet arsenal i madh armësh

Strukturat e Drejtorisë vendore të Policisë Tiranë dhe Drejtorisë së Policisë së Shtetit, kanë sekuestruar gjatë një operacioni të koduar “Moglica” një arsenal të vërtetë armësh të rënda dhe municionesh si dhe kane arrestuar në flagrancë 2 autorë të dyshuar të kësaj ngjarjeje.

Shtetasit e arrestuar janë Adil Ismet Mersinllari, 42 vjeç, lindur e banues në Korçë dhe Bledar Bardhyl Muçollari, vjec 32 lindur dhe banues në Korçë.

Aksioni i Policisë së Tiranës dhe konkretisht i Sektorit kundër Narkotikëve dhe Trafiqeve, është kryer në bashkëpunim të ngushtë me Prokurorinë pranë Gjykatës së Shkallës së Parë Tiranë dhe në përfundim të një hetimi disamujor, është arritur të dokumentohet permes teknikave speciale veprimtaria kriminale e shtetasve Adil Mersinllari dhe Bledar Muçollari, duke sekuestruar në cilësinë e provës materiale armë të rënda, lëndë plasëse dhe municione luftarake.

Sipas policisë, gjatë këtij operacioni është ushtruar kontroll në 24 banesa të dyshuarish dhe janë shoqëruar në drejtoritë respektive Tirane dhe Korçë mbi 16 persona.

Vazhdojnë hetimet për persona te tjere te dyshuar ,lidhje te subjekteve te arrestuar qe mund te jene te implikuar ne kete veprimtari kriminale.

Gjithashtu se bashku me prokurorine e Tiranes po hetohet menyra e gjetjes dhe destinacioni final per kete sasi armatimi te sekuestruar.

Provat materiale të sekuestruara gjatë operacionit janë:

57 copë kallëpe tritoli të masës 400 gr për çdo kallëp.
103 copë granata sulmuese “defensive ”.me rreze shperthyese rreth 200 metra
-100 copë ndezës granatash.
1 granatë-hedhës,
23 predha granahedhësi  Në të gjitha predhat gjenden të dhëna të markerimit dhe janë prodhim kinez
20 kutia ne forme tubi te dyshuara si eksplozive me nje fuqi shume te forte shperthyese
-.2 kaseta metalike, dhe 1 kuti metalike per mbajtje  fishekësh model 56, të kalibrit 7.62 mm. Në total sasia e fishekëve  1640 copë.
-1 shtrat tre këmbësh për mitraloz të rëndë.
-216 copë krehra mbajtës fishekësh model 56, kalibër 7.62 mm, të vajisur dhe me të gjitha pjesët dhe aksesorët e tyre.
-3 murtaja me trekëmbësha dhe pjatat kupore.
-2 mitralozë të rëndë së bashku me trekëmbëshat mbajtës.
-20 pjese mitralozazh te rende te çmontuar
-1 shirit metalik me 250 copë fishekë mitralozi të rëndë model 53.
– 1 automjet tip Opel Omega me targa KO 6690 B.
-4 aparate celularë të markave të ndryshme.

Materialet procedurale në ngarkim të tyre janë dërguar në Prokurorinë pranë Gjykatës së Shkallës së Parë Tiranë për veprën penale “Prodhim dhe mbajtje pa leje i armëve luftarake dhe i municioneve“, “Trafikim i armëve dhe i municioneve”.