Tiranë, në pranga radikali. Mbante të ngujuar prej 6 vjetësh gruan dhe fëmijët

Policia e Tiranës ka vënë në pranga një 52-vjeçar radikal, për shkak se mbante të ngujuar prej 6 vjetësh gruan dhe fëmijët.

“Nga verifikimet e kryera ka rezultuar se 52-vjeçari, prej më shumë se 6 vitesh, mbante të mbyllur duke i dhunuar sistematikisht dhe kërcënuar me armë të ftohta, bashkëshorten dhe dy fëmijët e mitur, të cilët nuk i lejonte të frekuentonin shkollën, për shkak të bindjeve të tij radikale.

Gjatë kontrollit të banesës u gjetën dy mjete prerëse thika ndërsa gjatë kontrolleve të ambienteve përreth banesës, në oborr, u gjetën dhe sekuestruan 700 fishekë luftarak dhe krehra automatiku”.