Tiranë, plagoset me thikë 19-vjeçari

Një 19-vjeçar është plagosur me thikë mbrëmjen e sotme në Tiranë. Sipas policisë, ngjarja ka ndodhur në afërsi të fushës “Ali Demi”, ndërsa nuk dihen rrethanat e ngjarjes.

Në vendngjarje kanë shkuar forcat e policisë dhe kanë nisur hetimet për identifikimin dhe kapjen e autorit.

Njoftimi i policisë:

Më datë 21.02.2023, rreth orës 21:00, Salla Operative ka marrë njoftim se në afërsi të fushës “Ali Demi”, është dëmtuar, në rrethana ende të paqarta, dyshohet me mjet prerës shtetasi O.Sh, 19-vjeç.

Shërbimet e Policisë kanë shkuar menjëherë në vendngjarje dhe grupi hetimor po punon për sqarimin e rrethanave të ngjarjes, identifikimin dhe kapjen e autorit/autorëve.