Tkurret Kuvendi, PS përzë ”kolegët” demokratë. Qytetarët po mbesin ”pa zë”

Qytetarët shqiptarë, zërin e vetëm kundër qeverisë ”Rama 3” e kanë në Kuvend, por nga aty deputetët po përjashtohen çdo herë e më shumë. Komisioni i Etikës, këtë të mërkurë me kërkesë të PS-së ka përjashtuar nga punimet e Kuvendit të Shqipërisë 8 deputetë të opozitës, me një afat 10 ditor. Ky vendimin erdhi pasi në seancën e kaluar, këta deputetë bllokuan foltoren dhe shkaktuan kaos gjatë seancës plenare.

Deputetët e përjashtuar janë: Luçiano Boçi, Albana Vokshi, Ervin Salianji, Ina Zhupa, Luan Baçi, Tritan Shehu, Gazmend Bardhi dhe Bledion Nallbati. Në këtë kërkesë nga PS, depozituar në Kryesinë e Kuvendit, thuhet se këta deputetë ofenduan kryeparlamentaren Lindita Nikolla. Kanë qenë 7 deputetët socialistë ata që kanë firmosur kërkesën.

Nënkryetari i PD-së, Luçiano Boçi tha për mediat se është shkelur rregullorja pas në momentin e dorëzimit të kërkesës për përjashtimin e deputetëve, kërkesa shqyrtohet brenda 48 orëve.

“Edi Rama po tenton të fikë zërin e qytetarëve sepse zëri i deputetëve është zëri i qytetarëve. Rregullorja e Kuvendit në nenin 35 e ka përcaktuar qartë se mbledhjet komisioneve bëhen të hapura dhe ju e përjetoni këtë lloj censure”. A po rrëmben PS-ja edhe rolin e opozitës? Veprimet në këtë rrugë kalojnë, ku qeveria dhe maxhoranca nuk dëshiron debat me çështjen që prekin qeverinë.