Tragjedi në rrugët e Tiranës, i riu përplas një grua

Një aksident tragjik ka ndodhur ditën e sotme në zonën e Misto Mames në Tiranë. Një këmbësore 55-vjeçare është përplasur nga një automjet me drejtues një 23-vjeçar dhe për pasojë ka gjetur vdekjen. Drejtuesi i automjetit është shoqëruar në komisariat, ndërkohë që grupi hetimor vijon punën për sqarimin e plotë të rrethanave të aksidentit.

Njoftimi i Policisë:

Tiranë/Informacion paraprak-Rreth orës 18:30, në Misto Mame, shtetasi O. V., rreth 23 vjeç, duke drejtuar automjetin, ka aksidentuar këmbësoren, shtetasen D. P., rreth 55 vjeçe.

Si pasojë e përplasjes, shtetasja D. P., ka ndërruar jetë.

Drejtuesi i automjetit është shoqëruar në Komisariat për veprime të mëtejshme procedurale.

Grupi hetimor vijon punën për sqarimin e plotë të rrethanave të aksidentit.