Tregtarët dalin në protestë kundër bashkisë së Durrësit

Vendimi i Bashkisë së Durrësit për ti zhvendosur në një tjetër vend, kjo pasi kanë nisur punimet për rindërtimet e tregut, bëri që sot dhjetëra tregtarë të tregut të fruta-perimeve, bulmetit dhe prodhimeve të detit të dilnin në protestë.

Tregtarët shprehen se vendi i përcaktuar është i papërshtatshëm dhe nuk plotëson asnjë kusht higjieno-sanitar në këto ditë të nxehta. ”Duam një vend të përshtatshëm, që të ketë kushtet minimale. Por tani në vapë nuk shkohet atje, ndoshta në shtator”, thonë ata.

Kryetarja e komanduar e bashkisë së Durrësit, Emirjona Sako, thotë se tregu i ri me kushte dhe infrastrukturë më të mirë do të ndërtohet, pasi është një kërkesë jo vetëm e banorëve të zonës por edhe e vete tregtarëve.