Presidenti amerikan Donald Trump ka vendosur një tjetër afat për presidentin rus Vladimir Putin, duke paralajmëruar se nëse brenda 50 ditësh nuk arrihet një marrëveshje, do të vendosen tarifa dytësore 100% ndaj partnerëve tregtarë të Rusisë.
Ky ultimatum i ri vjen pas disa afateve të mëparshme të dështuara dhe synon të rrisë presionin diplomatik mbi Moskën.
Reagimi nga Rusia nuk ka vonuar. Nënkryetari i dhomës së lartë të parlamentit rus, Konstantin Kosachev, e ka minimizuar deklaratën e Trump, duke thënë: “Nëse kjo është e gjitha që Trump kishte për të thënë sot për Ukrainën, atëherë deri tani është bërë shumë zhurmë për asgjë”.
Sipas tij, brenda 50 ditësh shumë gjëra mund të ndryshojnë në fushën e betejës dhe në qëndrimet e fuqive perëndimore. Ai shtoi se “gjëja më e rëndësishme është që kjo të mos ndikojë në humorin tonë”, duke iu referuar qëndrueshmërisë së Rusisë përballë presioneve.