Trump shpërblen Elon Musk për mbështetjen miliona dollarëshe në fushatë, ja posti që do të mbajë miliarderi në administratë

Presidenti i zgjedhur i SHBA-së, Donald Trump njoftoi të martën se do të shpërblente biznesmenin miliarder Elon Musk për mbështetjen me miliona dollarë për fushatën e tij , duke e emëruar në krye të një ministrie e cila do të jetë përgjegjëse për kontrollin e efikasitetit të qeverisë.

Musk, së bashku me ish-kandidatin republikan për president dhe biznesmenin Vivek Ramaswamy, do të kryesojë Departamentin e sapokrijuar të Efikasitetit të Qeverisë, i cili do të funksionojë jashtë kufizimeve të qeverisë.

Trump tha në një deklaratë se Musk dhe Ramaswamy “do t’i hapin rrugën administratës sime për të eliminuar burokracinë qeveritare , për të reduktuar në mënyrë drastike kontrollet e tepërta të qeverisë, për të shkurtuar shpenzimet e kota dhe për të riorganizuar federalin”.

Sipas republikanit, departamenti i ri do të realizojë ëndrrat e kahershme të partisë dhe do të “sigurojë këshilla dhe udhëzime jashtë qeverisë”, duke nënkuptuar se roli i Musk dhe Ramaswamy do të jetë joformal dhe nuk ka nevojë për miratimin e tij.

Kjo do të lejojë gjithashtu miliarderin të qëndrojë në krye të prodhuesit të automjeteve Tesla, mediave sociale X dhe kompanisë hapësinore SpaceX .

Departamenti i ri do të punojë me Zyrën e Menaxhimit dhe Buxhetit të Shtëpisë së Bardhë për të “udhëhequr reforma përçarëse me bazë të gjerë dhe për të ofruar një qasje të ngjashme me biznesin” për qeverinë, tha Trump.

Puna e ministrisë do të përfundojë më 4 korrik 2026, në 250 vjetorin e nënshkrimit të Deklaratës së Pavarësisë së SHBA-së.