Turi për luftën kundër krimit, Lleshaj në Gjirokastër

Ministri i Brendshëm, Sandër Lleshaj, ditën e sotme po zhvillon një takim me Policinë e Gjirokastrës. Për Sandër Lleshaj, kjo është mbledhja e tij e parë me strukturat e këtij qarku.

Ministri i Brendshëm fillimisht realizoi një takim me strukturat e policisë në Drejtorinë e Policisë Tiranë, për të vijuar më pas me strukturat e policisë në Shkodër, Elbasan dhe në Lezhë.

Vizita në Shkodër e Sandër Lleshajt, shoqëruar nga drejtori i Përgjithshëm i Policisë së Shtetit Ardi Veliu, erdhi pas një sërë ngjarjesh kriminale që kanë ndodhur gjatë kësaj vere. Takimi i Lleshajt në Gjirokastër është i pesti në axhendën e tij.