Turisti zviceran mbytet në plazhin e Durrësit

Një ngjarje e rëndë ka ndodhur në plazhin e Durrësit. Një turist nga Zvicra ka humbur jetën pasi ka hyrë në det, si pasojë e një infarkti.

Mësohet se bëhet fjalë për shtetasin N.I 66-vjeç. Materialet janë referuar në Prokurorinë e Durrësit.

“Në lagjen Nr.13, në plazh, duke u larë në det, shtetasi N.I. 66 vjeç, banues në Zvicër, dyshohet se ka ndërruar jetë si pasojë e një ataku në zemër.

Materialet u referuan në Prokurorinë pranë Gjykatës Shkallës së Parë Durrës, për ngjarje aksidentale”, sqaron policia.