Turistja polake bie nga kati i gjashtë i hotelit, gjen vdekjen në vend

Një turiste polake ka humbur jetën mëngjesin e sotëm në Durrës, në një ngjarje që dyshohet aksidentale.

Sipas njoftimit të policisë, në orët e para të mëngjesit të sotëm, në lagjen nr. 13, dyshohet se aksidentalisht ka rënë nga kati i gjashtë i hotelit ku ishte akomoduar për pushime, shtetasja polake B. V., 55 vjeçe, banuese në Poloni, e cila për pasojë ka humbur jetën.

Grupi hetimor vijon punën për sqarimin e plotë të rrethanave të kësaj ngjarjeje.