U akuzua për 1 ton kanabis, lirohet Arvis Muça dhe martohet më 27 gusht

Lirohet Arvis Muça, i arrestuar për 1 ton drogën në Kavajë. Prokuroria e Krimeve të Rënda në Tiranë ka tërhequr akuzën ndaj Arvis Mucës, i cili u arrestua para një muaji, pasi u akuza si pjesë e grupit që iu sekuestrua 1 ton kanabis.

Muça ishte i akuzuar për makinë ku u kap droga, por pas hetimeve rezultoi se mjeti ishte i dikujt tjetër dhe jo i të riut nga Vlora. Ndërsa pas një muaji prokuroria ka tërhequr akuzën duke e liruar nga burgu. Sipas prokurorisë, hetimi do të kryhet në gjendje të lirë, pasi nuk ka prova, që e implikojnë në trafikun e drogës.

Por avokati i tij, Saimir Visha deklaron se kjo histori nuk do të mbyllet këtu, pasi do të kërkojë dëmshpërblim për 1 muaj që qëndroi në burg, sipas tij padrejtësisht. Arvis Muça nga Vlorë në datë 27 gusht do të martohet.