“U duket vetja si fantazëm”, Daiu: Nuk po kuptohet si është të qenurit student, të realizohet provimi i klasës së 9

Menaxhimi i sistemit mësimor në kohë pandemie po rezulton mjaft i vështirë si në përshtatjen e studentëve me programin, ashtu edhe nga ana e pedagogëve e mësuesve.

Psikologia Sonila Daiu në një intervistë për Ora News, ka thënë se provimet e kalimit nga një cikël në një cikël tjetër shkollor duhet të zhvillohen.

Daiu ka thënë se paraqet problem fakti që studentët për herë të parë nuk po e kuptojnë idenë e të qenurit student në një fakultet për shkak se nuk kanë kontakt fizik me ambientet e shkollës.

Daiu: Ka për të ndodhur sërish i njëjti skenar nëse situata vazhdonn kështu dhe nuk do kemi rikthim total fizik në ambientet e shkollave. Sidomos në ambientetet e sistemit parauniversitar mund të hiqen provimet prapë. Provimi i klasës së 5 nuk duhej të ishte asnjëherë, ndërsa ai i klasës së 9 duhet të jetë, sepse tregon përfundimin e një cikli dhe e bën më të përgjegjshëm për më tepër.

Një maturant dhe një student kanë një barasvlefshmëri në rëndësi, sepse është i vështirë kalimi i cikleve. Dikush më tha që po u duket vetja fantazëm, pasi nuk po e kuptojnë ku janë dhe si është të jesh student. Kanë arritur profilin ku duan të studiojnë, por nuk kanë provuar të qenurit student.