U rrëzua nga tarraca e pallatit, ndërron jetë në spital 50-vjeçari

Një ngjarje e rëndë ka ndodhur ditën e djeshme në Tiranë, ku një 50-vjeçar u rrëzua aksidentalisht nga tarraca e katit të pestë, i cili më pas ndërroi jetë në spital.

Sipas njoftimit të policisë, ngjarja ndodhi në rrugën “Jordan Misja”, ku 50-vjeçari me inicialet K. Th. nuk u mbijetoi plagëve të marra, duke humbur jetën në spital.

Njoftimi:

Më datë 12.08.2024, rreth orës 22:50, në rrugën “Jordan Misja”, aksidentalisht ka rënë nga tarraca e katit të 5-të, shtetasi K. Th., 50 vjeç, i cili si pasojë e dëmtimeve të marra ka ndërruar jetë më pas në spital.