U vu nën hetim pas përplasjes në Vorë, reagon Flamur Noka

Deputeti Flamur Noka ka reaguar pas vendimit për nisjen e hetimeve ndaj tij, lidhur me një incident të ndodhur ditën e zgjedhjeve në një qendër votimi në Vorë. Ai është proceduar penalisht nën akuzën për “kanosje apo dhunim ndaj pjesëmarrësve në zgjedhje”, sipas njoftimit zyrtar të autoriteteve.

Përmes një postimi në rrjetet sociale, Noka mohoi çdo akuzë, duke sqaruar versionin e tij të ngjarjes dhe duke ftuar qytetarët të shohin videon që ka publikuar në faqen e tij. Ai pretendon se është përballur me një person me precedentë penalë.

“Ftoj të gjithë qytetarët të shikojnë videon e arrestimit të shtetasit Xhoni Asllanaj, me të cilin sot u përballa në qendrën e votimit në Vorë,” shkruan Noka. Ai shton se Asllanaj është “nipi dhe shoferi i Albert Xhabaftit të Vorës” dhe, sipas tij, “i skeduar për vjedhje dhe armëmbajtje pa leje.”