Udhëtimet për turizëm, Greqia dhe Italia kufizojnë shqiptarët

Këshilli i Bashkimit Europian njoftoi përfshirjen e Shqipërisë, Serbisë dhe Maqedonisë së Veriut në listën jeshile për të lëvizur në hapësirën e BE.

Vendimi nuk është publikuar, dhe deri më tani mësohet se kemi të bëjmë me një sugjerim për vendet anëtare të unionit, që do të thotë se lëvizja e lirë do të varet përsëri, nga rregullat që çdo shtet, do të aplikojë për vendin tonë dhe fqinjët.

Italia nuk lejon udhëtime për turizëm ndërsa qeveria greke ka shtyrë deri më 21 qershor regjimin e udhëtimeve të kufizuara vetëm për punë për shqiptarët.

Pritet vendimmarrja e radhës nga qeveria greke, nëse do të hiqen masat kufizuese për udhëtimet drejt Greqisë, gjë e cila do të lejonte mijëra shqiptarë që jetojnë dhe punojnë atje për tu kthyer për pushime në Shqipëri.