Ura Vajgurore nga sot quhet Dimal, kryebashkiakja: Moment historik

Nga sot Ura Vajgurore do të quhet zyrtarisht Dimal. Këshilli Bashkiak ka kaluar vendimin për ndryshimin e emrit që erdhi pas propozimit të disa intelektualëve të zonës dhe zë fill tek qyteti antik i periudhës ilire. Kryetarja e Bashkisë, Anila Mema e quajti ditën e sotme një moment historik. ”Sapo përfundoi mbledhja e Këshillit Bashkiak. U rendit i pari propozimi për ndryshimin e emrit të Uës Vajgurore pa ndryshim kufijsh. Sot është një moment historik. Falenderoj grupin nismëtar dhe mediat. Falenderoj dhe komunitetin që e ka mirëpritur. Tashmë bashkë me Beratin do kemi një axhendë turistike në qytetin tonë”.