Vajza e saj u abuzua seksualisht, por nëna nuk e kallëzoi në polici! Arrestohet 44-vjeçarja Rakipi

Një 44-vjeçare nga Përmeti është arrestuar nga policia. Ajo ishte shpallur në kërkim për moskallëzim krimi dhe mashtrim.

Sipas policisë dyshohet se Sadete Rakipi ka pasur informacione se vajza e saj e mitur është abuzuar seksualisht nga një person disa muaj më parë, por nuk e ka kallëzuar këtë gjë në polici.

Gjithashtu, dyshohet se ajo i ka marrë një shumë parash një shtetasi të huaj duke e mashtruar gjatë komunikimeve në rrjetet sociale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./