”Vajzë Fest” në edicionin e katërt, Rama merr pjesë në festën kulturore në Selenicë

Në fshatin Vajzë të Selenicës këtë mbrëmje të së premtes po zhvillohet edicioni i katërt i festivalit “Vajzë Fest”, një aktivitet që tashmë është kthyer në një traditë të përvitshme për komunitetin dhe zonën e Vlorës.

Festivali synon të sjellë në vëmendje traditat, kulturën dhe vlerat e kësaj treve, përmes një mbrëmjeje të mbushur me aktivitete kulturore dhe artistike.

Pjesë e këtij eventi ka qenë edhe kryeministri Edi Rama, i cili ka ndjekur aktivitetin nga rreshti i parë, duke marrë pjesë si i ftuar në këtë mbrëmje festive.

”Vajzë Fest” vijon kështu të konsolidohet si një nga aktivitetet kulturore që promovojnë identitetin dhe trashëgiminë e zonës së Selenicës.