Vaksina e tuberkulozit, profesori: 35-vjeçarët janë…

Ilaçe, metoda të ndryshme dhe tuberkulozi janë disa nga temat më të trajtuara nga mediet në të gjithë botën.  Mjeku epidemiolog, profesor Eduard Kakarriqi, thotë që në rastin e BCG apo vaksinës së turbekulozit nuk ka antikorpe humorale, sepse BCG jep apo krijon atë që quhet imuniteti i ndërmjetësuar me qeliza (Cell-mediated immunity). “Nëse marrim moshën mbi 35 vjeç apo 40 vjeç, ata nuk kanë bërë vetëm BCG-në që bëhet në lindje siç bëhet sot, por kanë bërë BCG në lindje, kanë bërë BCG në moshën 1 vjeç, dy vjeç, 6 vjeç, 12 vjeç, 14 vjeç. Pra, kanë bërë 5 apo 6 doza BCG gjatë fëmijërisë së tyre. Të lindurit nga 1974 apo 1975 me siguri që kanë marrë 4 apo 5 doza. Deri në vitin 2000 kanë marr 2 doza. Dhe pas viteve 2000 e deri në momentin që flasim sot, marrim nga një dozë në lindje”.