Vaksinimi i studentëve, ende asnjë miratim me V.K.M
Fakultetet në Tiranë kanë nisur ngritjen e stendave të vaksinimit për stafet pedagogjike, por mbi të gjitha për studentët, pas vendimit të qeverisë për vaksinim me detyrim.
Nisja e vitit të ri akademik kërkohet të jetë e sigurt dhe kthimi në auditorë, sipas autoriteteve shëndetësore, duhet të kalojë nga vaksinimi. Rektori Artan Hoxha ka ndjekur të njëjtën linjë rekomandimi për t’u vaksinuar, pa folur për detyrime.
“Ne i besojmë shkencës, ndaj pedagogët dhe studentët duhet të vaksinohen për të mirën e përbashkët”.
Universitetet kanë autonomi në marrjen e vendimeve, Hoxha ia ka deleguar hyrjen në auditorë Komitetit Teknik të Ekspertëve.
”Ne nuk privojmë studentët nga e drejta për arsim, por do të jetë Komiteti Teknik i Ekspertëve që do të vendosë”.