Vangjel Tavo: Merrni shembull nga Kosova. Shtoni stafin mjekësor dhe jepni paga shtesë për përballimin e pandemisë

Ish-deputeti Vangjel Tavo ka reaguar lidhur me situatën e pandemisë në vend.

Në një postim në Facebook, Tavo shprehet se Shqipëria duhet të marrë shembull nga Kosova, të shtohet stafi mjekësor dhe të jepen paga shtesë për përballimin e pandmisë.

Në vijim postimi i plotë

Merrni shembull nga Kosova: Shtoni stafin mjekësor dhe jepni paga shtesë për përballimin me pandeminë.

Spitalet e vendit janë shndërruar vatra të Covid 19. Të gjitha kanë mungesë stafi mjekësor dhe infermieror. Një pjesë e madhe e bluzave të bardha janë në karantinë ndërsa të tjerët përballen me pandeminë pa pajisje mbrojtëse dhe me paga të ulta, pa paga shtesë.

Ndiqni shembullin e Kosovës:

Në Kosovë mjekët marrin paga mbi 2-3 herë më të larta se në Shqipëri, për të njëjtin rol në sistemin e shëndetësisë.

Përveç këtij fakti qeveria e Kosovës ka alokuar pagesa shtesë për të gjithë stafin shëndetësor që po ballafaqohen me pandeminë.

Paga shtesë është:
Mjekët – 250 euro në muaj pagë shtesë.
Infermierët – 150 euro në muaj pagë shtesë.
Stafi mbështetës – 100 euro në muaj pagë shtesë.

Mjaft me retorika boshe. Mbroni dhe vlerësoni heronjtë tanë.

VT