Petrit Vasili: Edi Rama, shiko Gjermaninë dhe bëj testime!

Aktualitet Kryesore E Premte, 3 Prill 2020 13:24

Nënkryetari i LSI-së, Petrit Vasili shprehet se e vetmja mënyrë për të parandaluar përhapjen e virusit, veç izolimit të qytetarëve, është dhe bërja e testimeve.

Duke replikuar me kreun e qeverisë që poston çdo ditë video horror nga shtetet që po përballen me koronavirusin, Vasili shprehet se Edi Rama duhet të shohë çfarë po bëjnë vendet e tjera si Gjermania dhe të kryejë testime në masë.

Postim i plotë i Petrit Vasilit:

Edi Rama lëre Iranin. Edi Rama shiko Gjermaninë dhe bëj testime. Mos vazhdo ti gënjesh me shtetrrethim dhe izolim antishkencë, por bëj testime. Rruga që Organizata Boterore e Shëndetësisë kërkon është që bëjë testime.

Edi fute në kokë, Testim do të thotë:

-Të vesh diagnozen për qytetarët e prekur

-Të mbrosh qytetarët e tjerë nga prekja.

-Të marrësh masa të verteta dhe me vlerë për kufizimin e infeksionit

-Të parashikosh kapacitet e spitaleve për të sëmurët rëndë.

-Të parashikosh ecurinë dhe mundësinë e daljes nga pandemia.

-Të kufizosh dëmin shendetesor dhe atë ekonomik.

Edi! Pa testim çdo fjalë e jotja është thjesht gënjështer, është të flasësh kodra mbas bregut, është antishkencë.

Boll bëre xherahun! (P. Vasili)

Lexoni edhe…

Rriten shifra. 304 numri i të prekurve nga koronavirusi, 27 raste të reja në 24 orë

Nga nesër në 13:00 deri të hënën në 05:00 të gjithë në shtëpi