Vau i Dejës/ 40-vjeçari mbush serën me kanabis, kapet nga policia

Një 40-vjeçar është vënë në pranga nga policia pasi pasi në serën në pronësi t ëtij efektivët e policisë gjetën të kultivuara bimë narkotike kanabis sativa.

Policia bën me dije se është vënë në pranga shtetasi me inicialet A. A., 40 vjeç, banues në fshatin Kosmaç, Vau i Dejës.

“Nga strukturat e Komisariatit të Policisë Vau i Dejës, në zbatim të planit të masave për goditjen e veprimtarisë kriminale në fushën e narkotikëve, si rezultat i kontrolleve të shtuara dhe informacioneve të marra në rrugë operative për një shtetas që dyshohej se kishte kultivuar bimë narkotike, është organizuar puna për kapjen e tij.

Si rezultat është arrestuar në flagrancë shtetasi A. A., 40 vjeç, banues në fshatin Kosmaç, Vau i Dejës.

Arrestimi i tij u bë pasi gjatë kontrollit të territorit në fshatin Kosmaç, Njësia Administrative Bushat, Vau i Dejës, në serën në pronësi të tij, Policia gjeti të kultivuara bimë të dyshuara narkotike kanabis sativa, të cilat u sekuestruan në cilësinë e provës materiale.

Materialet iu referuan Prokurorisë së Rrethit Gjyqësor Shkodër, për veprën penale “Kultivimi i bimëve narkotike”, njofton policia.