Vdekja e akademikut Ylli Popa, Rama: La një kujtim të mirë

Ndahet nga jeta në moshën 87-vjeçare pas një gjendjeje të përkeqësuar kronike të shëndetit, akademiku Ylli Popa, intelektual i mirënjohur, me veprimtari të shumanshme, të shtrirë në më shumë se gjashtë dekada.

Në një reagim në rrjetin social facebook, kryeministri Rama shkruan se akademiku la një shembull tek të gjithë ata që jetuan kalimin nga diktatura në liri.

“Lamtumirë Profesor! Ylli Popa la pas një kujtim të mirë tek të gjithë ata që e njohën dhe një shembull të çmueshem tek të gjithë ata që jetuan momentet e kalimit nga diktatura në liri. Ngushëllime familjes”, shkruan Kryeministri Rama në mesazhin ngushëllues.