Vdekja e Klodian Rashës, Soreca: Ngjarja të hetohet si duhet e të vendoset drejtësia

Ambasadori i BE-së Luigi Soreca ka reaguar për vrasjen e të riut Klodian Rasha.

Nëpërmjet një statusi në rrjetin social “Twitter”, Soreca shpreh ngushëllimet për familjen e viktimës , ndërsa shton se ngjarja  tragjike duhet të hetohet dhe të vendoset drejtësia.

Po ashtu ai shprehet se dhuna duhet të shmanget në çdo rast nga të dyja palët.

Statusi: 

Shumë i pikëlluar nga ngjarjet e ditëve të fundit. Mendimet e mia janë me familjen e Klodian Rashës. Tani është thelbësore që kjo ngjarje tragjike të hetohet si duhet dhe të vendoset drejtësia, dhe shqetësimet e shprehura paqësisht të dëgjohen. Por dhuna duhet të shmanget në çdo rast, nga të gjitha palët.