Vdekja e Monsinjor Luçiano Agustinit, bashkia Vau Dejës sot në ditë zie

Bashkia Vau Dejës me vendim të Këshillit Bashkiak shpall ditën e sotme dite zie në territorin e saj. Ky vendim vjen pas ndarjes nga jeta ipeshkvit të dioqezës së Sapes mons. Luçiano Agustinit.

Ambasadori i OSBE në Shqipëri, Florian Raunig ka zhvilluar homazhe pranë katedrales Nënë Tereza në Vau Dejës, në nderim dhe respekt të figurës së Monsinjorit.

Kurse kryetari i Bashkisë Vau Dejës, Zef Hila, e ka cilësuar vdekjen e Monsinjor Luçiano Agustinit si një humbje të madhë për të gjithë zonën.

Monsinjor Agustini, u nda nga jeta të dielën, pasi humbi betejën me një sëmundje të rëndë.