Veliaj: Në një vit, 4 artistë ndërkombëtarë në kryeqytet

Kryetari i Bashkisë së Tiranës, Erion Veliaj, ka shpehur kënaqësinë e tij ndaj koncerteve të zhvilluara në kryeqytet përgjatë një viti, ku janë ftuar këngëtarë të huaj me famë botërore, por edhe me origjinë shqiptare të njohur botërisht.

Përmes një statusi në rrjetin social “Facebook” Veliaj shkruan: “Shumë i lumtur që vetëm në një vit Tirana ka mikepritur koncertet e 4 artistëve ndërkombëtarë. John Newman, Dua Lipa, Bebe Rexha dhe Fatboy Slim”.

Mbrëmjen e kaluar zhvilloi koncertin e saj këngëtarja me famë botërore me origjinë shqiptare, Bebe Rexha, e cila performoi në skenën e kryeqytetit hite botërore.