Yjet e Hollivudit, George Clooney dhe Brad Pitt rikthehen sonte në Festivalin e Filmit në Venecia për premierën botërore të “Wolfs”.
Në një film thriller, të drejtuar nga Jon Watts, Clooney dhe Pitt luajnë rolin e zbulimit të t♪7 ashtuquajturve ”ujqër të vetmuar”, por të punësuar gabimisht për të njëjtën punë.
Filmi, i cili nuk është në konkurrim, do të debutojë për shikuesit e festivalit sot në mbrëmje në Lido.
“Wolfs” do të shfaqet në Apple TV+ më 27 shtator.
Edhe pse të dy janë ”klientë” të rregullt në festivali e Venecias, vetëm një herë ata kanë ecur mbi qilimin e kuq së bashku, në vitin 2008, për premierën e “Burn After Reading”, farsa e çmendur e vëllezërve Coen, ku ata ndajnë një skenë të paharrueshme.
Apple TV+ bleu “Wolfs” në një luftë konkurruese ofertash duke mposhtur studiot tradicionale dhe shërbimet rivale të transmetimit.
Pitt mbërrin në festivalin e Venecias vetëm disa ditë larg nga ish-gruaja e tij, Angelina Jolie, e cila mori vlerësime për rolin e Maria Callasit në filmin “Maria” të Pablo Larraín dhe u largua nga Italia për një tjetër festival, menjëherë më pas.
Pitt dhe Jolie kishin qenë partnerët më romantikë të botës për një dekadë, kur u martuan në vitin 2014.
Jolie bëri kërkesë për divorc në vitin 2016 dhe një gjykatës i shpalli ata beqarë në vitin 2019, por çështja e divorcit nuk është finalizuar me kujdestarinë dhe çështjet financiare ende të diskutueshme.
Disa javë më parë, një gjykatë në Los Anxheles miratoi një peticion nga fëmija i tretë më i madh i ish-çiftit për të ndryshuar ligjërisht emrin e saj nga Shiloh Nouvel Jolie-Pitt në Shiloh Nouvel Jolie./ a.jor. ATSH