Vërtetohet akuza e banorëve dhe opozitës: Punimet te “Astiri” ishin pa leje

Ndërkohë që banorët e “Astirit” janë futur në ditën e 18 të protestës kundër prishjes së banesave për ndërtimin e një segmenti zgjerimi të Unazës së Madhe, vetëm mbrëmjen e djeshme, Këshilli Kombëtar i Territorit, i ka hapur rrugën Autoritetit Rrugor Shqiptar, për të vazhduar punën.

Në mbledhjen e fundit KKT është miratuar leja e zhvillimit për rehabilitimin e segmentit rrugor, ‘Mbikalimi i pallatit me shigjeta rrethrrotullimi Shqiponja’.

Ky vendim i KKT-së vërteton akuzat e opozitës dhe të banorëve se punimet që tentuan të nisin në këtë segment nga firma ‘Salillari’, ishin pa leje.

Sërish vërtetohet mënyra skandaloze se si funksionon shteti i ndërtuar nga Edi Rama. Banorëve u kërkohet që të lirojnë shtëpitë, u vihet kryq i kuq mbi mure, hiqet ndriçimi i rrugës, priten pemë rrethohet ambienti, shkojnë fadromat…ndërkohë që e gjithë kjo sipërmarrje nuk kishte ende leje nga autoriteti përgjegjës që është Këshilli Kombëtar i Territorit. /syri.net