Vetëvrasja e Eugert Lazajt, nën hetim ekspertët. Dyshimet që ka ngritur prokuroria

Dy variante të ndryshme kanë dhënë ekspertët për plumbin që i mori jetën biznesmenit Eugert Lazaj mëngjesin e 30 Korrikut në një vilë luksoze në periferi të kryeqytetit. Prokuroria e Tiranës ka nisur hetim penal për ekspertët që kanë bërë akt-eskpertimin e armës së krimit që u gjet në dorën e 37-vjeçarit.

Ngjarja u hetua si vetëvrasje dhe për këtë arsye u pushua. Sipas ”Tv Klan”, në duart e grupit të hetimit kanë mbërritur dy akt-ekspertime të armës tip pistoletë që u gjet në vendin e ngjarjes. Disa ekspertë kanë arritur në përfundimin që fisheku i përket armës që u gjet në vendin e ngjarjes, ndërsa ekspertët e tjerë kanë theksuar faktin që plumbi, nuk i përket pistoletës që u gjet në skenën e krimit.

Prokuroria ka ngritur dyshime se ekspertët kanë firmosur akt-ekspertime të rreme. Në bazë të hetimeve do të arrihet në një përfundim nëse ekspertët kanë vepruar për shkak të paaftësisë apo fshihet ndonjë arsye të tjetër.