Vetting-u për gjyqtarin Dvorani, DSIK: S’ka dyshime për korrupsion

Anëtari i Gjykatës së Lartë, Ardian Dvorani po kalon në sitën e Vetting-ut. Trupa gjykuese e KPK përbëhet nga Roland Ilia, Etleda Çiftja dhe Firdes Shuli. Sa i përket elementit të pasurisë, sipas KPK rezulton me një apartament banimi 120 m2, i blerë në 2001 me vlerë 31 mijë dollarë, në bashkëpronësi me bashkëshorten. Gjyqtari i lartë ka të ardhura për blerjen e kësaj pasurie.

Një apartament 104.3 m2 i privatizuar në 1993, i deklaruar nga babai i gjyqtarit është i justifikuar. Autoveturë Scoda 2016 i blerë me “leasing”. Një hua 1 milionë e 350 mijë lekë nga prindërit. Sipas KPK, huaja ështe deklaruar me burim nga shpërblimi i dhënë nga Gjykata e Tiranës.

Likuiditetet e familjes me vlere 9. 9 miliinë lekë, Dvorani i ka deklaruar në deklarimet periodike, por nuk i ka deklaruar në Vetting. KPK thotë se ILDKPKI përpara se të hartonte raportin duhet ta thërriste subjektin dhe ta pyeste për sa kohë gjyqtari i lartë ka thënë që është një harresë për shkak të punës, sepse siç rezulton, ai i ka deklaruar në vite këto likuiditete.

Sa i përket komponentit të dytë të Vettingut, DSIK thotë që Ardian Dvorani ka përshtatshmëri në detyrë dhe se nuk ka asnjë dyshim për përfshirje në korrupsion.