VIDEO/ Investimi në Zvërnec, Taulant Balla: Shqipëria fiton 4 miliardë euro, mjedisi nuk preket

Drejtuesi Politik i PS-së për qarkun e Tiranës, Taulant Balla e ka cilësuar projektin në Zvërnec si një nga investimet më të mëdha strategjike për Shqipërinë. Balla nënvizon se ky projekt jo vetëm që respekton standardet mjedisore, por përfaqëson një hap të madh në modernizimin ekonomik të Shqipërisë dhe afrimin e saj me Bashkimin Europian.

“Lidhur me investimin në Zvërnec autoriteti përgjegjës shtetëror për mjedisin ka vendosur më 15 maj 2026, që projekti duhet t’i nënshtrohet jo thjesht një vlerësimi të zakonshëm të ndikimit në mjedis, po një Vlerësimi të Thelluar të Ndikimit në Mjedis.

Është një projekt i cili i respekton të gjitha normat mjedisore për të gjithë ata që bërtasin, për flamingot, për pelikanët, apo për gjithçka tjetër. Nuk është aspak e vërtetë fakti që do na ikin flamingot nga gjiri i Zvërnecit. Por e vërtetë është që Shqipëria ka nevojë për 4 miliardë euro investim, një investim i cili është sot një standard që Shqipëria duhet t’i arrijë. Është një hap i madh që Shqipëria duhet ta hedhë’‘,-tha Balla nga Kamza, ku zhvilloi një bisedë me prindërit e nxënësve dhe fëmijëve të shkollës “Murat Toptani”, e cila hap dyert në shtator.